i love myanmar: June 2014

Tarot

အဘမင်းသိင်္ခ စာရေးနည်းအတတ်ပညာ

အရင်တခါတင်ထားတုန်းက ပုံတွေနဲ့ တင်ထားတာပါ။ ကူးရတဲ့ လူတွေ အဆင်မပြေဘူးဆိုလို့ စာပြန်ရိုက်ပြီး ပြန်တင်ပေးလိုက်ပါတယ်။

ကျွန်တော်တို့မရမ်းတလင်းခြံ အယူတော်မင်္ဂလာခြံမှာ ပညာသင်ခဲ့တုန်းက အရမ်း ပျော်ရွှင်ခဲ့ရပါတယ်။ ဘာမှ ပူပင် သောကမရှိခဲ့ဘူး။ အဘကျွေးတဲ့ ထမင်းကိုစားတယ်။ အဘ ၀တ်ခိုင်းတဲ့ အ၀တ်အစားကို ၀တ်တယ်။ မိုလင်း မနက်(၄)နာရီ လောက်ကတည်းကနေ ညနေ မုန်းစုန်းစုန်း ချုပ်တဲ့အထိ အဘရဲ့ ဗေဒင်ပညာနဲ့ ပတ်သက်တဲ့ အလုပ်တွေကို လုပ်တရတယ်။ အမှန်အတိုင်းပြောရရင် အားချိန်နားချိန်ရယ်လို့တောင် မရှိခဲ့ပါဘူး။ တစ်နေ့မှာ (၃)နာရီလောက်ပဲ အိပ်ခဲ့ရတယ်။ ဒါပေမယ့် အိပ်ရေးမ၀လို့ မူးနောက်နောက် ဖြစ်ခဲ့တယ်ဆိုတာ မရှိသလောက်ပါပဲ။ နောက် ကျွန်တော်တို့ နေထိုင်လာခဲ့တဲ့ နှစ်တွေမှာ နေထိုင်မကောင်းလို့ အိပ်ယာထဲ လှဲနေရတယ်ဆိုတာလဲ မရှိခဲ့ ပါဘူး။

ဒါကြောင့် ကျန်းမာရေးကောင်းခြင်းရယ်၊ အိပ်ပျော်ခြင်းရယ် ၊ ပျော်ရွှင်ခြင်းရယ် ဆိုတာကို ကျွန်တော် သဘောပေါက်နေခဲ့တယ်။ အဘမင်းသိင်္ခရဲ့ ခြံမှာ နေတုန်းက ပညာတွေ မျိုးစုံသင်ယူခဲ့ရတယ်။ အဘကလည်း ကျွန်တော်တို့ကို ထမင်းကျွေး လဘက်ရည်တိုက် ပြီး ပညာမျိုးစုံကို သင်ပေးခဲ့တယ်။ ဒါကြောင့် မရမ်းတလင်းခြံ ကြီးဟာ ကျွန်တော်တို့တွေအတွက် တက္ကသိုလိကျောင်းတော်ကြီး တစ်ခုဖြစ်ခဲ့ပြီး အဘမင်းသိင်္ခကတော့ ကျွန်တော်တို့တွေအတွက် ဒိသာပါမေက္ခဆရာကြီးပေါ့။ ဒါက ကျွန်တော်တို့တပည့်တွေရဲ့ အယူအဆပါ။

အဓိကကတော့ ကျွန်တော်တို့ရဲ့ နိမ့်ကျနေတဲ့ စိတ်ဓာတ်တွေကို မြင့်တင်ပေးခဲ့တယ်။ ကျွန်တော်တို့တွေဟာ အဘမင်းသိင်္ခဆီကို မရောက်ခင်တုန်းက တကယ့် ဂျလေဘီတွေပါ။ လူရာမ၀င်ဘူး။ နိမ့်ကျတယ်။ အနှိမ်ခံရတယ်။ အားငယ်တတ်တယ်။ သိမ်ငယ်နေတယ်။ လူတောမတိုးဘူး။ ကိုယ့်ကိုကို ယုံကြည်ချက်လုံးဝ မရှိဘူး။ နောက်ဆုံး ကုန်ကုန်ပြောရရင် ကိုယ်ကြိုက်နေတဲ့ မိန်းကလေးတစ်ယောက်ကိုတောင် ချစ်တယ်ဆိုတဲ့ စကားတစ်ခွန်း ဖွင့်မပြောရဲခဲ့ဘူး။ နောက်ပြီး ဘာမှတောင် မလုပ်ရသေးဘူး ဖြစ်မှ ဖြစ်ပါ့မလားလို့ ကြိုတွေးနေတဲ့ လူဖျဉ်းတွေပါ။

သုညအောက် ယူဇနာတစ်ရလောက်အထိ နိမ့်ကျနေတဲ့ ကျွန်တော်တို့တတွေရဲ့ စိတ်ဓာတ်တွေကို မိုးကောင်း ကင်လောက်အထိ မြင့်အောင် ဆွဲတင်ပေးခဲ့တာပါ။ စကားတွေ ထိုင်ပြောနေရုံတင်မကပဲ စိတ်ကို တွန်းအားပေး စေတဲ့ စိတ်တန်ခိုးကျင့်စဉ်တွေကို မရမ်းတလင်းခြံထဲမှာ နေထိုင်ဖူးသူတိုင်း ကျင့်ကြံဖူးတယ်။ နောက်ပိုင်းကတော့ ၀ါသနာပါတယ် လူတွေက ဆက်ကျင့်ကြပေါ့။ တစ်ချို့တွေကတော့ ရပ်သွားကြတယ်။ အဲဒီလို ကျွန်တော်တို့တွေ ဟာ အဘမင်းသိင်္ခဆီမှာ ပညာသင်ကြားခဲ့ရတာပါ။

မရမ်းတလင်းခြံမှာ နေတုန်းက ဘာပညာတွေ သင်ကြရလဲလို့ တစ်စုံတစ်ယောက်က မေးလာမယ်ဆိုရင် အစုံပေါ့လို့ ပြန်ပြောမိမှာပဲ။ ဒီနေရာမှာ အဘမင်းသိင်္ခ ပြောဖူးတဲ့ စကားလေးတစ်ခွန်းကို ပြန်ပြောချင်ပါတယ်။ မင်းတို့တွေ ဗေဒင်က မခက်ဘူတဲ့။ အရမ်း လွယ်ပါတယ်။ ခနလောက် သေသေချာချာ သင်လိုက်ရင် တတ်ပါတယ်။ ခက်တာက အောင်မြင်အောင် လုပ်တဲ့ပညာက အရေးကြီးတာတဲ့။ ဒါကြောင့် ကိုယ်လုပ်တဲ့ အလုပ်တစ်ခုကို အောင်မြင်အာင် လုပ်တတ်ဖို့ အရေးကြီးတယ်တဲ့။

ကျွန်တော်တို့ မရမ်းတလင်းခြံမှာတုန်းက ဗေဒင်ပညာ သင်ရတယ်။ မြန်မာ့ရိုးရာ လက်ဝေ့ သင်ရတယ်။ ဆိုဗီယက်ပြန် လက်ဝှက်အဖွဲ့ချုပ် နာယကကြီး ဦးဗိုလ်စိန်ဆီမှာ (စာလုံးပေါင်းမှားရင် ခွင့်လွှတ်ပါ) အဘကိုယ်တိုင် အပ်ပြီး သင်တန်းဖွင့်ခဲ့တာ။ စကားပြောဖြင်း အတတ်ပညာတို့ ဟာသအတတ်။ ဂဏန်းအတတ် တို့ သင်ခဲ့ရတာ။ ဗေဒင်ကတော့ အဓိကပေါ့။ နောက်ထပ် ပညာရပ်တစ်ခုကတော စာရေးဖြင်း အတတ်ပညာပါပဲ။

ကျွန်တော်တို့တွေဟာ စာမတတ်ဘူ။ ပညာအရည်အချင်း မရှိဘူး။ အဲဒီတော့ စာရေးဆရာနဲ့ ကိုယ်နဲ့ ဘာဆိုင်လဲပေါ့။ အရင်တုန်းက တွေးမိတာက စာရေးဆရာဆိုတာက ဘွဲ့ရပညာတတ်တွေပဲ လုပ်လို့ရတဲ့ အလုပ် တစ်ခုလို့ ထင်ခဲ့တာ။ နောက်တော့ အဘဆီရောက်မှ စာမတတ်လဲ စာရေးလို့ ရပါလားဆိုတာကို သိခဲ့ရတာ။ အဘပြောတာက ငါလဲ စာမတတ်ပါဘူးကွာတဲ့။ စာမတတ်ပေမယ့် လူတိုင်းက စကာပြောတတ်တယ်ကွတဲ့။ စကားပြောသလိုရေးပေါ့ ဆိုတော့ ကျွန်တော်တို့တတွေကို အဘမင်းသိင်္ခက အဲလိုစသင်ပေးခဲ့တာ။

အဲဒီမှာ အဘမင်းသိင်္ခ စာရေးတဲ့အခါမှာ ပုံသေလုပ်ထားတဲ့ စာလေးတွေ ရှိတယ်။ အဲဒါတွေကို ကျွန်တော်က ပြန်လည် မျှဝေချင်တာပါ။ ဒါကြောင့် စာရေးတာကို ၀ါသနာပါကြတဲ့ မျတ်ဆွေများလည်း အားမငယ်ပဲ စိတ်ဓာတ်မကျပဲ ဆက်လက်ကြိုးစားဖို့ တွန်းအားပေးချင်ပါတယ်။

ကျွန်တော်တို့ စာရးတဲ့အခါမှာ ဥပမာ ၀တ္ထုရေးတယ် ဆိုပါစို့။ ကျွန်တော်တို့ ၀တ္ထုထဲက ဇာတ်လိုက်တွေရဲ့ အမူအရာ တွေကို အဘက ပုံသေလုပ်ပြီး ပေးထားခဲ့တာပါ။ အနည်းဆုံးတော့ အဲဒါတွေပါအောင် ထည့်ရေး၇မယ်ပေါ့။ ဒါမှ စာဖတ်သူက ကျွန်တော်တို့ရဲ့ ဇာတ်ကောင်ကြီး ဘာဖြစ်နေတယ်ဆိုတာ မျက်လုံးထဲမှာ မြင်ယောင်လာမှာလေ။ ဥပမာ ဆိုကြပါစို့ ။ကျွန်တော်က ကောင်မလေးတစ်ယောက်ကို ချစ်ရေးဆိုတယ် ဆိုပါစို့။ ဒါဆို ကျွန်တော် ချစ်ရေးဆိုတဲ့ ကောင်မလေးက ရှက်သွားမယ်။ သူရှက်သွားရင် သူ့ရဲ့ ပုံစံက ဘယ်လို ဖြစ်သွားမလဲ။ အဘရဲ့ စာထဲမှာ ရေးထားတာက....

ရှက်သော်....
ရှက်ကြောက် ရိုသေမှု့ဖြင့် ဟန်လုပ်ခြင်း ဖြစ်၏. ထိုသို့ ပြုခြင်း၌ ဖြစ်ပေါ်လာသော အမူအရာတို့သည်...

(၁)...ပြုံးခြင်း၊

(၂)...မျက်ခြေမပြတ်ကြည့်ခြင်း။

(၃)...ယဉ်ကျေးစွာ လှီးလွဲပြောဆိုခြင်း။

(၄)...နူးညံ့သော အပြုအမူတို့ကို ပြခြင်း စသည်တို့ ဖြစ်၏။ ၎င်းကို အဗဟိတ္တာဟု ခေါ်သည်။ အဲဒီလို ရေးထားတယ်။

အဲဒီတော့ ကျွန်တော် စကားပြောတဲ့ ကောင်မလေးက ရှက်နေတာကို အပေါ်မှာ အဘပြောပြတဲ့ အချက်လေးချက် ပါအောင် ထည့်ရေးရမယ်တဲ့။ သူရှက်သွားတယ်ဆိုတဲ့ စကားထက် အပေါ်က အချက်လေး ချက်ပါအောင် ထည့်ရေးရင် ပိုပြီး ပြည့်စုံတာပေါ့။

နောက်တစ်ခု အံ့အားသင့်တယ် ဆိုပါစို့။ ဒါဆိုရင် ဘာတွေထည့်ရေးရမလဲ။ အဘကတော့ ဒီလို ရေးပေး ထားတယ်။

အံ့အားသင့်သော်.....
မလိုလားအပ်သည်ကို မြင်သဖြင့် အံ့အားသင့်ခြင်း ဖြစ်၏။ အံ့အားသင့်ခြင်းကြောင့် ဖြစ်ပေါ်လာသော အမူအရာ တို့သည်..

(၁)...မျက်လုံးအကြောင်းသားဖြင့်ကြည့်ခြင်း။

(၂)...ရင်၌ဒိတ်ကနဲဖြစ်ခြင်း။

(၃)...ချွေးစို့ခြင်း။

(၄)...ပါးစပ်ပွင့်ခြင်းတို့ဖြစ်၏။ အံ့အားသင့်ခြင်းကို ဇဠတာဟု ခေါ်၏။

နောက်တစ်ခု စုန်းပူးတယ်ဆိုပါတော့။ ဘယ်လိုရေးမလဲ။
စုန်းနတ် ဘီလူးဖမ်းသည်ဟု တွေးကြောက်တုန်လှုပ်လျှက် လဲကျခြင်း ၊ တလှုပ်လှုပ် ရှိခြင်း၊ စသော ဖောက်ပြန်မှု့များ ဖြစ်၏။ ထိုသို့ ဖြစ်ပေါ်လာသောအမူအရာတို့သည်

(၁)..မျက်လုံးမှိတ်ခြင်း။

(၂)...မျက်ဖြူလန်ခြင်း။

(၃)...ချွေးထွက်ခြင်း။

(၄)...အမြှုပ်ထွက်ခြင်း။

(၅)...မတည်ငြိမ်ခြင်း စသည်တို့ ဖြစ်၏။ ၎င်းကို အပမာရဟု ခေါ်၏။

ဒါတွေက ကျွန်တော်တို့ရဲ့ အဘမင်းသိင်္ခဆီမှာ သင်ယူခဲ့ဘူးတဲ့ စာရေးခြင်းအတတ်ပညာပါ။ အဲဒိတော့ မေးစရာရှိတယ်။ မင်းကော ဘာတွေ ရေးထားပြီးပြီလဲလို့...။ အဲဒီလို မေးလာခဲ့ရင် ကျွန်တော်က ပြန်ပြောချင်တာက ကျွန်တော်လဲ ကြိုးစားနေတုန်းပါပဲ။ တစ်နေ့နေ့တော့ တစ်ခုခုတော့ ဖြစ်လာမယ် ထင်တာပဲလို့ ပြန်ပြောမိမှာပါ။ ဘာကြောင့် ဒီလို ပြောရတာလဲ ဆိုတော့ ကျွန်တော် သိထားတာက တစ်ခုခု လုပ်နေတဲ့ လူဟာ တစ်နေ့နေ့မှာ တစ်ခုခုတော့ ဖြစ်လာမယ် ဆိုတာပါပဲ။

ကဲ... ကျွန်တော်၏ ချစ်လှစွာသော မိတ်ဆွေများ ခင်ဗျာ။ နာမည်ကျော်စာရေးဆရာကြီး မင်းသိင်္ခ၏ စာရေးခြင်း အတတ်ပညာကို အလိုရှိပါက အသုံးပြု၍ရရန်အတွက် ပြန်လည် ဝေမျှ ဖောက်သည် ချလိုက်ပါသည်။ အကယ်၍ ကျေးဇူးတင်ချင်သူများသည် အဘမင်းသိင်္ခအား ကျေးဇူးတင်ကြပါကုန်။

ဖျားနာသော်...
သွေးလေဖော်ပြန်သောကြောင့် ဖျားနာခြင်း ဖြစ်၏။ ထိုအခါ၌ ဖြစ်ပေါ်လာသော အမူအရာတို့သည်..

(၁) အိပ်လိုခြင်း။

(၂) ညည်းညူခြင်း။

(၃) ကိုယ်လက်တုန်လှုပ်ကိုက်ခဲခြင်း စသည်တို့ ဖြစ်၏။

၎င်းကို “ဗျာဓိ” ဟုခေါ်၏။

လိမ်သော်....
မုန်းခြင်း၊ချစ်ခြင်း၊ ၀န်တိုခြင်းတို့ကြောင့် လိမ်လည် လျှပ်ပေါ်ခြင်း ဖြစ်၏။ ထိုအခါ ဖြစ်ပေါ်လာသော အမူအရာတို့သည် ...

(၁) မဟုတ်မမှန်ပြောခြင်း၊ပြုခြင်း။

(၂) ကဲ့ရဲ့ခြင်း။

(၃) ချီမွမ်းခြင်း စသည်တို့ ဖြစ်၏။

၎င်းကို “စလ” ဟု ခေါ်၏။

သေသော်....
သေခြင်းမှန်သမျှ ဖြစ်၏။ ထိုအခြင်းအရာတို့သည်....

(၁) ကိုယ်လက်အင်္ဂါ လျှောကျခြင်း။

(၂) ပါးစပ်ပွင့်ဟခြင်း။

(၃) နှလုံးသွေးရပ်၍ အသက်ရှု ပြတ်ခြင်းတို့ ဖြစ်၏။

၎င်းကို “မရဏ” ဟုခေါ်၏။

မကောင်းမှုကို ပြုရန်ကြောက်သော်....
မကောင်းဟု ထင်မှတ်ထားသော အရာတို့ကိုပြုရန်ရှက်ခြင်းဖြစ်၏။ ထိုအခါ၌ ဖြစ်ပေါ်လာသော အမူအယာ တို့သည် ။

၁။ ရှောင်ရှားလိုခြင်း။
၂။ မျက်လွှာချခြင်း။
၃။ မတုန့်ပြန်ခြင်း။
၎။ ကိုယ်ကိုဖုံးလွှမ်းခြင်း စသည်တို့ဖြစ်၏။ ၎င်းကို “ ဗိဠာ” ဟုခေါ်၏။

ဆုတ်နစ်သော်....
ဆုတ်နစ်သော စိတ်ဖြင့် ပျင်းရိစွာ တွေးကြံလဲလျောင်းလိုခြင်း၊ အမြဲအိပ်လိုနေခြင်း ဖြစ်၏ ။ ထိုအခါ၌ ဖြစ်ပေါ်လာသော အမူအယာတို့သည်။

၁။ ထိုင်းမှိုင်းသော ကိုယ်လက်မျက်နှာရှိခြင်း။
၂။ ကိုယ်ကိုတွေးခြင်း။
၃။ မျက်စေ့မှိတ်ထားခြင်းတို့ ဖြစ်၏။ ၎င်းကို “ နိဒ္ဒါ ” ဟု ခေါ်၏ ။

စိတ်ကြည်လင်သော် ....
စိတ်၏ တည်ငြိမ်မှုတို့ကို ဆောက်တည်လျှက် အစဉ်သတိရှိ၏။ ငိုက်မြည်းခြင်းမှ ကင်း၏ ။ ထိုအခါ၌ ဖြစ်ပေါ်လာသော အမူအယာတို့သည် ။

၁။ ကြည်လင်သောမျက်နှာ၊ မျက်လုံးရှိခြင်း
၂။ မထိုင်းမှိုင်း၊ မလေးလံသော ကိုယ်လက်လှုရှားမှုရှိခြင်း တို့ဖြစ်၏။ ၎င်းကို “ ၀ိဗောဓ ” ဟု ခေါ်၏ ။

စိတ်ဓာတ်ကျသော် ....
ကြံတိုင်း၊ ကြိူးပမ်းတိုင်း မအောင်ဘဲ ပျက်စီးခြင်းကြောင့် စိတ်ဓာတ်ကျဆင်းခြင်း ဖြစ်၏။ ထိုသို့ ဖြစ်လာသည့် အမူအယာသည်

၁။ မကြာခဏ မင့်သက်ရှိုက်ရှုခြင်း။
၂။ နှလုံးပူပန်ခြင်း။
၃။ အဖော်ရှာခြင်း။
၎။ မတည်ငြိမ်နိုင်ခြင်းတို့ဖြစ်၏။ ၎င်းကို “ ၀ိသာဒ ” ဟုခေါ်၏ ။

မနာလိုသော်.....
သူတပါးထက် သာလိုသောကြောင့် သူတပါးအား ကြံဖန် အပြစ်ရှာခြင်း၊ အတင်းဝင်၍ မကောင်းပြောခြင်း၊ ပြုခြင်း၊ ငြူစူဝန်တိုခြင်း၊ တို့သည် မနာလိုခြင်းဖြစ်၏။ ထိုသို့ဖြစ်လာသောအခြင်းအရာ သည် သူယုတ်တို့၌ တွေ့နိုင်သော အမူအယာမျိုးကဲ့သို့

၁။ မျက်မှောက်ကြုတ်ခြင်း။
၂။ နှုတ်ခမ်းမဲ့ ခြင်း။
၃။ အမျက်ဖြင့်ပြုခြင်း၊ ပြောခင်း။
၎။ ရန်စောင်ခြင်း တို့ဖြစ်၏။ ၎င်းကို “ ဣဿာ ” ဟု ခေါ်၏ ။

တူတာကိုတွေ့သော်.....
တူသောဝတ္တုကိုမြင်သဖြင့် အမှတ်ရခြင်း၊ အောင့်မေ့ခြင်းဖြစ်၏။ ထိုအခါ၌ ဖြသ်ပေါ် လာသော အမူအယာတို့သည်

၁။ မျက်ခုံးမြင့်ခြင်း။
၂။ မျက်တောင်အမြန်ခတ်ခြင်း။
၃။ မျက်တောင်ခတ်ခြင်းကိုရပ်ခြင်း။
၎။ စိတ်လှုပ်ရှားမှုကို ကိုယ်လက်တို့၌ ထင်ဟပ်ခြင်း၊ မျက်နှာ၌ ထင်ဟပ် ခြင်း။
၅။ နှုတ်မှ အသံထွက်ခြင်း စသည်တို့ဖြစ်၏။ ၎င်းကို “ သတိ ” ဟု ခေါ်၏ ။

မစောင့်နိုင်မအောင့်နိုင်ဖြစ်ခဲ့သော်....
လိုအပ်သည်ကို မရခြင်းကြောင့် ပြင်းစွာတောင့်တခြင်း၊ မစောင့်နိုင် မအောင့်နိုင်ခြင်းဖြစ်၏။ ထိုအခါ၌ ဖြစ်ပေါ်လာသော အမှုအယာတို့သည် ....

၁။ စိတ်ပူခြင်း။
၂။ ဂဏှာမငြိမ်ခြင်း။
၃။ စောစောလျင်လျင်ပြုခြင်း။
၎။ မျက်နှာအဆီပြန်ခြင်း။
၅။ ချွေးစို့ခြင်း။
၆။ မကြာမကြာရှည်လျားသော ပင့်သက်ရှိုက်ခြင်း၊ ချခြင်း တို့ဖြစ်၏။ ၎င်းကို “ ဥဿုက ” ဟု ခေါ်၏။

အားကုန်သော် ....
အထာရောဂါနှိပ်စက်၍ အားကုန်ခြင်း၊ မွေ့လျော်ပျော်ပါး၍ အားကုန်ခြင်း ဆာလောင်မွတ်သိပ်သောကြောင့် အားကုန်ခြင်း ထိုသို့ဖြစ်ပေါ်လာသောအမူအယာတို့သည်

၁။ ကိုယ်လက်မလှုပ်မသယ်ချင်ခြင်း။
၂။ အသားတုန်ခြင်း။
၃။ ခြေလက်တုန်ခြင်း။
၎။ မျက်နှာညိူး နွမ်းခြင်း
၅။ မောဟိုက်ခြင်း စသည်တို့ ဖြစ်၏။ “ ၀ိလာနိ ” ဟု ခေါ်၏ ။

စိတ်ချောက်ချားသော်......
မိုးချုန်းခြင်းစသည်တို့ကြောင့် စိတ်ချောက်ချား၍ ထိတ်လန့်ခြင်းတို့ဖြစ် ၏။ ထိုသို့ဖြစ်လာသေည့် အမူအယာကား

၁။ တကိုယ်လုံးတုန်လှုပ်ခြင်း။
၂။ မျက်လုံးပြူးကျယ်လှုပ် ရှားလားခြင်း။
၃။ ပါးစပ်ပွင့်ဟာလာခြင်း။
၎။ ယောက်ယမ်းရှိုက်ငင်အသံထွက်ခြင်း စသည်တို့ဖြစ်၏။ “ တာသ ” ဟု ခေါ်၏။

ငိုက်လျှင်.....
ငိုက်မျည်းခြင်းဖြင့် အိပ်ချင်ခြင်းကြောင့် ဖြစ်လာသည့် အမူအယာတို့သည်။

၁။ မျက်လုံးစင်းခြင်း။
၂။ မျက်လုံးတ၀က်ပိတ်ခြင်း။
၃။ ကိုယ်နှင့်ခေါင်းကို မထိန်းနိုင်ဘဲ ယိမ်းယိုင် ခြင်း။ စသည်တို့ဖြစ်၏။ ၎င်းကို “ သတ္တ ” ဟု ခေါ်၏။

ကိုယ်လက်လေးလံသော်.....
ကိုယ်လက်လေးလံခြင်း အစားကြီးခြင်း မူးယစ်ခြင်။ ငြိမ်းငြိမ်းနေလို ခြင်း အလုပ်ကိုရှောင်ခြင်း။ ထိုသို့ပျင်းသောကြောင့် ဖြစ်ပေါ်လာသည့်အမူအယာကား

၁။ နေရာတိုင်း၌ အမြဲမှီခြင်း။
၂။ လဲလျောင်းနေလိုခြင်း။
၃။ ကိုယ်လက်မလှုပ်လိုခြင်းတို့ဖြစ်၏။ “ အာလသျှ ” ဟုခေါ်၏။

သူတပါး၏ အပြစ်ကိုသိရလျှင်....
သူတပါးတိုအပြစ် ကျူးလွန်ထားသည်ဟု ထင်ခြင်းကြောင့် ရဲရင့် စွာ ကြမ်းတမ်းခက်ထန်လာမှုဖြစ်၏။ ထိုအခါ၌ ဖြစ်ပေါ်လာသော အမူအယာတို့သည်။

၁။ အသားတုန်ခြင်း
၂။ မျက်နှာနီခြင်း။
၃။ မျက်လုံးအရောင်တောက်ခြင်း။
၎။ ခြေလက်ကျွတ်ဆတ် လှုပ်ရမ်းခြင်း။
၅။ နှုတ်ခမ်းတင်းတင်းစေ့ခြင်း။
၆။ ချွေးစို့ခြင်း။
၇။ ထိုးခုတ်ရိုက်နှက်ပစ်ခတ်ခြင်း စသည်တို့ဖြစ်၏။ ဤသို့ သူတပါး၏အပြစ်ကိုသိ၍ ဖြစ်ပေါ်လာမှုကို “ ဥဂ္ဂတာ ” ဟု ခေါ်၏။

ဆင်းရဲသော်.....
ဆင်းရဲခြင်း၊ မွဲခြင်းစသည်တို့ကြောင့် အားငယ်ခြင်း၊ စိတ်ဆင်းရဲခြင်းတို့ဖြစ်၏။ ထိုသို့ ဆင်းရဲရသောကြောင့် ဖြစ်ပေါ်လာသော အမူအယာတို့သည်။

၁။ ကိုယ်လက်ညစ်နွမ်းခြင်း။
၂။ ဆံပင် မသပ်ရပ်ခြင်း။
၃။ မျက်နှာညိူးငယ်ခြင်း တို့ဖြစ်၏။ ဤသို့ ဆင်းရဲခြင်း၊ မွဲခြင်းကို “ ဒီနတာ ” ဟု ခေါ်၏။

အံ့အားသင့်သော်....
မလိုအားအပ်သည်ကို မြင်သဖြင့် အံ့အားသင့်ခြင်းဖြစ်၏။ အံ့အားသင့်ခြင်း ကြောင့် ဖြစ်ပေါ်လာသော အမူအယာတို့သည်

၁။ မျက်လုံးအကြောင်သားဖြင့်ကြည့်ခြင်း။
၂။ ရင်၌ဒိတ်က နဲ့ဖြစ်ခြင်း။
၃။ ခွေးစို့ခြင်း။
၎။ ပါးစပ်ပွင့်ခြင်းတို့ဖြစ်၏ ။ အံ့အာသင့်ခြင်းကို “ ဇဠတာ ” ဟု ခေါ်၏ ။

ကြေနပ်သော်.....
အလိုပြည့်ခြင်းကြောင့် ကြေနပ်ခြင်းဖြစ်၏။ ကြေနပ်မှုကြောင့် ဖြစ်ပေါ်လာသော အမူအယာတို့သည်

၁။ စကားပြောလာခြင်း။
၂။ ပြုံးခြင်း။
၃။ မျက်နှာကြည်လင်ခြင်းတို့ဖြစ်၏။ ကြေနပ်ခြင်းကို “ စိတိ ” ဟုခေါ်၏ ။

ကိုယ်ပန်းစိတ်ပန်းဖြစ်သော်.....
အလွန်အားထုတ်ခြင်းကြောင့် ကိုယ်ပန်းစိတ်ပန်းဖြစ်၏။ ဤသို့ ပင်ပန်းမှုမျိုးကြောင့် ဖြစ်လာရသော အမူအယာတို့သည်။

၁။ ချွေးထွက်ခြင်း။
၂။ အသက်ရှုပြင်းခြင်း။
၃။ မျက်စေ့ပြားခြင်း။
၎။ ကိုယ်လက်ညောင်းညာခြင်းတို့ ဖြစ်၏။ ဤသို့ ကိုယ်ပန်းစိတ်ပန်းဖြစ်ခြင်းကို “ သမ ” ဟု ခေါ်၏။

သင်္ကာမကင်းဖြစ်သော်.....
မိမိ၏ အရာအမူသည် ဤသို့များ ပျက်စီးလေမည်လား၊ သူတပါး တို့ ကဲ့ရဲ့ကြလေမည်လား၊ အကျိုးမဲ့များဖြစ်လေ မည်လား။ ဤသို့သော ယုံမှားမှုကြောင့် ဖြစ်ပေါ်လာသော အမူ အရာတို့သည်

၁။ တုန်လှုပ်ခြောက်ခြားခြင်း။
၂။ ငေးစိုက်ခြင်း။
၃။ ရုပ်ပျက်ခြင်း။
၎။ အသံ ပျက်ခြင်း တို့ဖြစ်၏။ “ သင်္ကာ ” ဟု ခေါ်၏။

သံသယဖြစ်သော်....
ဤဟာလုပ်ရသည်နှင့် ထိုဟာလုပ်ရသည်တို့တွင် မည်သည့် အရာက ကောင်းသနည်းဟု ဆုံးဖြတ်ရခက်သောအခါ သံသယဖြစ်လာ၏။ စိတ်၌ ဒွိဟဖြစ်လာ၏။ ထိုအခါ၌ ဖြစ်ပေါ်လာ သော အမူအယာတို့ကား

၁။ မျက်မှောက်ချီ၏။
၂။ ဦးခေါင်းအနည်းငယ် လှုပ်ရမ်းသွား၏။
၃။ မျက်ခုံးတွန်သွား၏။
၎။ လက်လှုပ်သွား၏။ ဝေခွဲမရခြင်းကို ဆိုလိုသည်။ “ တက္က ” ဟု ခေါ်၏။

ငြီးငွေ့သော်...
မိမိကိုယ်ကို မိမိငြီးငွေ့ခြင်း အလုပ်ကို ငြီးငွေ့ခြင်း ဇနီးကို ငြီးငွေ့ခြင်း စည်းစိမ် ကို ငြီးငွေ့ခြင်းစသည့် ငြီးငွေ့ခြင်းကြောင့် ဖြစ်ပေါ်လာသောအမူအယာတို့ကား

၁။ မျက်ရည်စို့၏။
၂။ ပင့်သက်ရှိုက်၏။
၃။ ရုပ်ပျက်ဆင်းပျက်ဖြစ်၏။
၎။ စွန့်လွှတ်ရန်အကြောင်းရှာ၏။ စွန့်လွှတ်ခြင်းကို “ နိဗွေဒ ” ဟု ခေါ်၏။

တွေဝေသော်.....
ထိတ်လန့်တုန်လှုပ်ခြင်း ပြင်းစွာ ထိခိုက်နာကျင်ရခြင်း၊ ထို့ကြောင့် ရုတ်တရက် တွေဝေသတိကင်းမဲ့၏။ ထိုသိုဖြစ်သောအခါ၌ ဖြစ်ပေါ်လာသော အမူအယာတို့သည်။

၁။ လဲကျသတိကင်း ခြင်း။
၂။ မေ့မြောခြင်း။
၃။ အစဉ်ထုံထိုင်းလျှက် အလိုရမက်ကြောင့်၎င်း၊ တွေဝေသတိကင်းမဲ့ခြင်း။
၎။ မိုက်မဲစွာပြုခြင်း။
၅။ ရက်စက်ရိုင်းပြခြင်း။
၆။ အသိကင်းမဲ့ခြင်းတို့ ဖြစ်၏။ ၎င်းကို “ မောဟ ” ဟု ခေါ်၏။

သံယောဇဉ်ကြောင့် စိတ်ဖောက်ပြန်ခြင်းနှင့်တူသော်....
တွယ်တာမှုသံယောဇဉ်တို့နှင့် ယှဉ်၍ ပြင်းစွာတုန်လှုပ်ခြင်း၊ သည်းခြေ၊ နှလုံး ထိခိုက်ခြင်း၊ အသဲနာခြင်။ စသည်တို့ကြောင့် ဖောက်ပြန်ရှုးသွပ်ခြင်းဖြစ် ၏။ ထိုသို့ဖြစ်သောအခါ၌ ဖြစ်ပေါ်လာသော အမူအယာတို့သည်

၁။ ရယ်ခြင်း။
၂။ ငိုခြင်း။
၃။ သီချင်းဆိုခြင်း။
၎။ မြည်တမ်းခြင်း။
၅။ မိမိစိတ်ကို မထိန်းနိုင်ခြင်း စသည်တို့ဖြစ်၏ ။ ၎င်းကို “ ဥမ္မာဒ ” ဟု ခေါ်၏။

ဆုံးဖြတ်သော်....
သုံးသပ်လျှက် ယုံမှားကင်းစွာ ဆုံးဖြတ်ရဲခြင်း။ ထိုသို့ဖြစ်လာသည့် အမူအယာ တို့သည် အမူအယာတို့သည်

၁။ ပိုင်နိုင်သောအပြော။
၂။ ပိုင်နိုင်သောအပြုံး။
၃။ ပိုင်နိုင်သော မျက်နှာထား။
၎။ ခံ့တည်သောလှုပ်ရှားမှု တို့ဖြစ်ကြ၏။ ၎င်းကို “ ပတိ ” ဟု ခေါ်၏။

အရက်မူးသော်.....
အရက်သောက်ခြင်းကြောင့် ရွှင်ပျော်မူးယစ်ခြင်းဖြစ်၏။ ထိုသို့ ဖြစ်သောအခါ၌ ဖြစ်ပေါ်လာသော အမူအယတို့သည်

၁။ အပြောအဆို အပြုအမူတို့ ချွတ်ချော်ခြင်း။
၂။ အသံလေး ခြင်း။
၃။ ခြေလှမ်းမမှန်ခြင်း။
၎။ မျက်လုံးအကြည့်မမှန်ခြင်းတို့ဖြစ်၏။ ၎င်းကို “ မဒ ” ဟု ခေါ်၏။

စော်ကားခံရသော်....
ကဲ့ရဲ့စော်ကားခြင်းကြောင့် သီးမခံခြင်း၊ ပြင်းစွာ အမျက်ထွက်ခြင်း ဖြစ်၏။ ထိုသို့ဖြစ်သောအခါ၌ ဖြစ်ပေါ်လာသော အမူအယာတို့သည်

၁။ အသံကျယ်လောက်ကြမ်းတမ်းခြင်း။
၂။ ကိုယ်လက်ဦးခေါင်း လှုပ်ရမ်းခြင်း။
၃။ ခြိမ်းခြောက်ရိုက်နှက် ထိုးခုတ်ပစ်ခြင်း စသည်တို့ဖြစ်၏ ။ ၎င်းကို “ အမရိသ ” ဟု ခေါ်၏။

စုန်းပူးသော်....
စုန်း၊ နတ်၊ ဘီလူး ဖမ်းသည်ဟု တွေးကြောက်တုန်လှုလျှက် လဲကျခြင်း၊ တလှုပ် လှုပ်ရှိခြင်း စသော ဖောက်ပြန်မှုများ ဖြစ်၏။ ထိုသို့ဖြစ်သောအခါ၌ဖြစ်ပေါ်လာသောအမူအယာတို့သည်

၁။ မျက်လုံးမှိတ်ခြင်း။
၂။ မျက်ဖြူလန်ခြင်း။
၃။ ချွေးထွက်ခြင်း။
၎။ အမြှုပ်ထွက်ခြင်း။
၅။ အတည်ငြိမ်ခြင်း စသည်တို့ဖြစ်၏။ ၎င်းကို “ အပမာရ ” ဟု ခေါ်၏။

နောင်တရသော် .....
လိုအပ်သည်ကို မရခြင်း၊ အပြုမှားကို ပြုမိသောကြောင့် နောင်တဖန်ပူပန် လျှက် ကြံစည်တွေးတောခြင်းဖြစ်၏။ ထိုသို့ဖြစ်လာသည့် အမူအယာတို့သည်

၁။ ဆိတ်ဆိတ်နေခြင်း။
၂။ ကြံမှိုင်ခြင်း။
၃။ ပင့်သက်ရှုရှိုက်ခြင်း စသည်တို့ဖြစ်၏။ ၎င်းကို “ စိန္တာ” ဟု ခေါ်၏။

ရှက်သော် ......
ရှက်ကြောက်ရိုသေမှုဖြင့် ဟန်လုပ်ခြင်းဖြစ်၏။ ထိုသို့ ပြုခြင်း၌ ဖြစ်ပေါ်လာသော အမူအယာတို့သည်

၁။ ပြုံးခြင်း။
၂။ မျက်ချေမပြတ်ကြည့်ခြင်း။
၃။ ယဉ်ကျေးစွာ လှီးလွှဲပြောဆိုခြင်း။
၎။ နူးညံ့သောအပြုအမူတို့ကို ပြခြင်း စသည်တို့ဖြစ်၏။ ၎င်းကို “ အဗဟိတ္တာ ” ဟု ခေါ်၏။

The High Pristess

The High Pristess - ဘိက္ခုနီမယ်တော်ကြီး

၁။ အိမ်ထောင်ရေး အဆင်မပြေဖြစ်မည်။
၂။ သားသမီးတစ်ဦး၏ အောင်မြင်သောသတင်းကိုကြားရ မည်။
ထို့အတူ မကျန်းမာသောသတင်းပါ ပါလာမည်။
၃။ အိမ်သို့ ဧည့်သည်များရောက်လာမည်။ ၎င်းတို့အတွက် စိတ်ညစ်ရမည်။
၎။ မကြာခဏဆိုသလို ခရီးထွက်ရမည်။ ၅။ အလုပ်အကိုင်တိုးတက်မည်။
၆။ အလုပ် ရွှေ့ပြောင်းရမည်။
၇။ နေအိမ်ပြင်ခြင်း၊ ဆေးသုတ်ခြင်း ပြုလုပ်ရလိမ့်မည်။
၈။ ထူးခြားသောပုဂ္ဂိုလ်တစ်ဦး၏ ဓာတ်ပုံ ရောက်လာမည်။
၉။ ငွေအလုံးအရင်းနှင့်ဝင်မည်။
၁၀။ အိမ်နားတွင် ပွဲလမ်းသဘင်ဖြစ်မည်။ ထို့သို့ဖြစ်ပါက သင့်အနေနှင့် စီးပွားတက်လိမ့်မည်။
၁၁။ ယောက်ျားလျာ၊ မိန်းမလျာ အိမ်နားမှာရှိသည်။ မိမိအိမ် သို့အလာမခံပါနှင့်။ လာဘ်တိတ်လိမ့်မည်။
၁၂။မျက်နှာချင်းဆိုင်အိမ် (သို့မဟုတ်) ခေါင်းရင်ဘက် အိမ်၌ အလှူ (သို့မဟုတ်) မင်္ဂလာဆောင်ဖြစ်လိမ့်မည်။
ဤသို့ဖြစ်လျှင် သင့်အိမ် စီးပွားတက်လိမ့်မည်။
လတ်တလောကိစ္စအတွက် မေးမြန်ပါမူ . .
ထိုကိစ္စသည် မုချအောင်မြင်မည်။ အမျိုးသမီးကြီးတစ်ဦး ကူညီမည်။

The Hermit

The Hermit - ပရဗိုဇ်၇သေ့

၁။ နိုင်ငံခြားခရီး၊ ရပ်ဝေးခရီး သွားရမည်။
၂။ လက်ဆောက်ပစ္စည်းများ ရောက်လာမည်။
၃။ အမိအဖမျက်စိရောဂါ ကုပေးရလိမ့်မည်။
၎။ မိမိကိုယ်တိုင်လည်း မျက်စိအားနည်း၍ မျက်မှန်တပ်ရမည်။
၅။ ဘာသာရေးကို ဖိဖိစီးစီးလုပ်ပါ။ ပုတီးစိပ်ခြင်း၊ အဓိဋ္ဌာန် ၀င်ခြင်းများ ပြုလုပ်ပါ။ အကျိုးထူးတော့မည်။ အထက် ပုဂ္ဂိုလ် မ လိမ့်မည်။
၆။ ပညာထူးရတတ်သည်။
၇။ ဆရာသမား၊ အကြီးအကဲ မ စလိမ့်မည်။
၈။ အရေးမကြီးသောအြောင်းအရာကြောင့် စကားများ တတ်သည်။ ၉။ စက်အသစ်တစ်ခု ၀င်လိမ့်မည်။
၁၀။ အိမ်တွင်ဆွထားသော နတ်အုန်းသီး အစို့ပေါက်လိမ့်မည်။
၁၁။ ငွေရှာ၍ လွယ်သောအချိန်ဖြစ်သည်။
၁၂။ ယခုလက်ရှိလုပ်နေော အလုပ်၌ မပျော်ပိုက်ဘဲရှိလိမ့်မည်။ အမြန်းဆုံးထွက်လိုက်ပါ။
၁၃။ အနှောင့်အယှက်များ ရှိပါသည်။ သို့သော် သင့်ကို ဒုက္ခ ပေးနိုင်သော အနှောင့်အယှက်များ မဟုတ်ပါ။
၁၄။ အိမ်အနောက်ပိုင်းကို ပြင်ရလိမ့်မည်။ ပြင်ရလျှင်လည်း အလွန်ကောင်းပါသည်။

လတ်တလောကိစ္စအတွက် မေးမြန်ပါမူ . . ထိုကိစ္စ အောင်မြင်နိုင်ပါသည်။
မျက်မှန်နှင့်လူ ကူညီလိမ့်မည်။ ရဲရဲသာလုပ်ပါ။

The Empress

The Empress - ဧကရီ

၁။ မျက်စိကို ဥပါဒ်ပေးလိမ့်မည်။
၂။ မမျှော်လင့်ဘဲ ကြွေးတင်ခံရမည်။ ငွေအတွက် ကြီးစွာ သောဒုက္ခ တွေ့မည်။
၃။ အလုပ်တွင် အခက်အခဲတွေ့မည်။ အလုပ်မှ ထွက်ရ တတ်သည်။
၎။ မမျှော်လင့်ဘဲ လူတစ်ယောက်၏အကူအညီကို ရရှိလိမ့်မည်။
၅။ ပညာတစ်ခုရတတ်သည်။
၆။ သူခိုးခိုးခံရတတ်သည်။ လမ်းခရီး၌ ဖြစ်လိမ့်မည်။
၇။ တန်ခိုးသြဇာ မြင့်မားလာလိမ့်မည်။
၈။ စက်ရှိက ထွက်လိမ့်မည်။
၉။ ကြီးကဲသူငြိုငြင်မှုကို ခံရတတ်သည်။
၁၀။ အမှုမဖြစ်ရအောင် နေပါ။ ဖြစ်က ကြာမည်။ ငွေဖြင့် မလိုက်နှင့် ။ လိုက်လျှင် အမှုပါရှုံးသွားလိမ့်မည်။
၁၁။ အစာအိမ်ရောဂါဖြစ်လိမ့်မည်။ ဂရုစိုက်ပါ။
၁၂။ အလွန်ခင်မင်သူတစ်ဦးနှင့် အဆင်မပြေဖြစ်က လမ်း ခွဲရတော့မည်။

လတ်တလောကိစ္စအတွက် မေးမြန်ပါမူ . . ထိုကိစ္စမှာ မုချအောင်မြင်မည်။
မကြာမီအချိန်အတွင်း၌ သိသာထင်ရှားစွာအကျိုပေးလိမ့်မည် ။

The Emperor

The Emperor - ဧကရာဇ်

၁။ သတင်းကောင်းကြားရမည်။
၂။ စာချုပ်စာတမ်း၌ လက်မှတ်ရေးထိုးရမည်။
၃။ အစိုးရ၏ ချီးမြှင့်မ စမှု ရမည်။
၎။ မသွားတော့ဘူး လိုလိုနှင့် ခရီးသွားဖြစ်လိမ့်မည်။
၅။ ပညာရပ်တစ်ခု ရရှိမည်။ ဖြေဆိုထားသောစာမေးပွဲ အောင်မည်။
၆။ အလုပ်တစ်ခုမှတစ်ခုသို့ အပြောင်းအလဲဖြစ်မည်။
၇။ ငွေအလွန်ကုန်မည်။
၈။ အိမ်တွင်းရေးအဆင်မပြေဖြစ်မည်။
၉။ ဓာတ်ပုံများရောက်ရှိလာမည်။
၁၀။ လမ်းထဲမှာလူတစ်ဦး၏ အကူအညီကို ရရှိလိမ့်မည်။
၁၁။ သင်သည် အထက်ဂိုဏ်းတစ်ခုခုကို ၀င်ပြီးမှ ဂိုဏ်းပျက် လိမ့်မည်။

လတ်တလောကိစ္စအတွက် မေးမြန်ပါမူ . . ထိုကိစ္စမှ မအောင်မြင်နိုင်ပါ။ လူကြီးတစ်ဦး ၀င်ရောက်နှောင့်ယှက်လိမ့်မည်။

The Hierophant

The Hierophant - သာသနာပိုင် ဆရာတော်ကြီး

၁။ ဘုန်းကြီးတစ်ပါး အိမ်သို့ ကြွလာမည်။
၂။ မိဘ ကျန်းမာရေး ညံ့မည်။
၃။ ခေါင်းကိုက်မည်။
၎။ စိန်အပါအ၀င် အဖိုးတန်ပစ္စည်းဝင်မည်။
၅။ လာဘ် အလွန်ရွှင်မည်။
၆။ အလုပ်၌ နာမည်ကောင်းရမည်။
၇။ အောက်လက်ငယ်သား၏ အကူအညီကို ရမည်။
၈။ အိမ်ထောင်သည်အမျိုးသမီးဖြစ်ပါက ကိုယ်ဝန်ရမည်။
၉။ ရုတ်တရက် ခရီးထွက်ရလိမ့်မည်။
၁၀။ ငွေလိမ်ခံရတတ်သည်။
၁၁။ မိန်းမတစ်ဦး မိမိ၏ဂုဏ်သိက္ခာကို ညှိုးနွမ်းအောင် လုပ် လိမ့်မည်။
၁၂။ နေအိမ်မသန့်ပါ။ အခိုက်အညံ့ရှိနေသည်။ နေရာအနှံ အပြား ပရိတ်ရေနှင့် ဖြန်းလိုက်ပါ။

လတ်တလောကိစ္စအတွက် မေးမြန်ပါမူ . . ထိုကိစ္စမှာ မုချအောင်မြင်မည့် ကိစ္စဖြစ်သည်။ ရဲရဲတင်းတင်း ဆောင်ရွက်ပါ။

The Loers

The Loers - ချစ်သူများ

၁။ မင်္ဂလာရက်ရွှေ့ရမည်။
၂။ အချစ်ရေးတွင် ကြားလူအနှောင့်အယှက် ပေါ်မည်။
၃။ မြေ၊ အိမ် ရတတ်သည်။
၎။ စက်တစ်ခုဝင်လာမည်။ အလွန်ကောင်းသည်။
၅။ ပညာဖြင့် လာဘ်ရမ်ည။ ၆။ ပညာထူးရရှိမည်။
၇။ ရေကြောင်းခရီးသွားရမည်။ (ပြည်ပခရီးဖြစ်နိုင်သည်)
၈။ အမှုဖြစ်လိမ့်မည်။
၉။ အလုပ်၌ စိတ်မ၀င်စားသကဲ့သို့ ရှိမည်။ အလုပ်ပြောင်း ရမည်။
၁၀။ ငွေရေးကြေးရေး အဆင်မပြေဖြစ်လိမ့်မည်။
၁၁။ မိဘ ကို ကောင်းစွာလုပ်ကျွေးရလိမ့်မည်။
၁၂။ အိမ်တွင် နားလေးသူရှိမည်။ မရှီပါက မိမိကိုယ်တိုင် နားကို ဥပဒ်ပေးတတ်သည်။

လတ်တလောကိစ္စအတွက် မေးမြန်ဝါမူ .. ထိုကိစ္စ အောင်မြင်မည်။ သို့သော အချိန်အနည်းငယ်နောက် ကျပြီးမှ အောင်မြင်တတ်သည်။

The Chariot

The Chariot - စစ်ရထား

၁။ စပ်တူရှယ်ယာလုပ်ငန်းတစ်ခု လုပ်ရမည်။
၂။ မိမိထက် အသက်အားဖြင့်ကြီးသူ၊ ဂုဏ်အားဖြင့်ကြီးသူ တစ်ဦးဦးက ကူညီလိမ့်မည်။
၃။ ခြေထောက်တစ်ဖက် နာလိမ့်မည်။
၎။ စိတ်ချမ်းသာစရာများ ဆက်တိုက်တွေ့လိမ့်မည်။ လာဘ်လာဘလည်း အလွန်ရွှင်မည်။
၅။ သူတစ်ပါးအတွက် သက်သေလိုက်ရမည်။
၆။ အိုးသစ်အိမ်သစ် ရတတ်သည်။
၇။ မိန်းမဧည့်သည်တစ်ဦး အိမ်သို့ရောက်လာမည်။ ကောင်းသည်။
၈။ ဆွေမျိုးတစ်ဦး ကျန်းမာရေးညံ့သောသတင်းကြားရမည်။
၉။ သင်ကိုယ်တိုင်လည်း ကျန်းမာရေးညံ့တတ်သည်။
၁၀။ သူတစ်ပါးကို ထောက်ပံ့ရသောကြောင့် ငွေများထွက်တတ်သည်။
၁၁။ အောက်လက်ငယ်သားများ မင်္ဂလာပြုတတ်သည်။
၁၂။ ခန္ဓာကိုယ်တစ်ခြမ်း အောင့် သကဲ့သို့ ရောဂါရ တတ် သည်။ စိုးရိမ်စရာမလိုပါ။ အလိုလိုပျောက်ကင်းမည်
၁၃။ နောက်သုံးလကြာလျှင် စီးပွားတတ်မည်။

လတ်တလောကိစ္စအတွက် မေးမြန်ပါမူ ထိုကိစ္စမအောင်မြင်ပါ။
လက်လျှော့လိုက်လျှင် အကောင်းဆုံးဖြစ်သည်။

The Strength

The Strength - စွမ်းအားရှင်

၁။ ဆိုင်ခန်းတစ်ခု ရရှိမည်။
၂။ သူတစ်ပါးကို အာမခံမိ၍ စိတ်ညစ်ရတတ်သည်။
၃။ သူတစ်ပါးအမှု လိုက်လံဆောင်ရွက်ရတတ်သည်။
၎။ မိမိ၌လည်း အမှုပေါ်တတ်သည်။
၅။ ကိုးကွယ်မှုဆိုင်ရာပစ္စည်းများ၊ အထူးသဖြင့် ဘုရားပုံ တော်များ ရောက်လာမည်။
၆။ အစားမှားခြင်းဖြစ်လိမ့မည်။ ဆင်ခြင်ပါ။
၇။ သူတစ်ပါးက မိမိအား မတရားစွပ်စွဲပြောဆိုခြင်း ခံရ မည်။ သည်းခံပါ။
၈။ ငွေဝင်လိမ့်မည်။ ဆက်တိုက်ဝင်လိမ့်မည်။
၉။ လုပ်ငန်း၌ ရန်ပေါ်တတ်သည်။
၁၀။ အမွေအတွက် စကားပြောရတတ်သည်။ မြေနေရာကို အကြောင်းပြု၍လည်း စကားပြောရမည်။
၁၁။ ခြေလက်ခိုက်မိ၍ သွေးထွက်သံယိုဖြစ်တတ်သည်။
၁၂။ လုပ်သမျှကိုင်သမျှ အလွဲလွဲချော်ချော်ဖြစ်လိမ့်မည်။
၁၃။ သူတစ်ပါးက မိမိအား မကောင်းသော ပယောဂအတတ် ဖြင့် ပြုစားထားသကဲ့သို့ စိတ်၌ ခံစားရလိမ့်မည်။

လတ်တလောကိစ္စအတွက်မေးမြန်ပါမူ . . ထိုကိစ္စ မအောင်မြင်နို

The Hermit

The Hermit - ပရဗိုဇ်၇သေ့

The Wheel of Fortune

The Wheel of Fortune - ကံကြမ္မာစက်ဝန်း

၁။ အပြောင်းအရွှေ့ဖြစ်မည်။ အိမ်ပြောင်း၊ အလုပ်ပြောင်းများပေါ်မည
၂။ ရေပိုက်များပြင်ရမည်။ ရေနှင့်ပတ်သက်၍ စိတ်ညစ်ရ တတ်သည်။
၃။ အိမ်ထောင်ဖက် ဖျားနာမည်။
၎။ ကလေးရှိက အမြင့်မှ လိမ့်ကျတတ်သည်။
၅။ ပညာရေး (သို့) မိန်းမတစ်ယောက်အတွက် သောက ရောက်ရတတ်သည်။
၆။ ထူးခြားသောဓာတ်ပုံတစ်ခု ၀င်လာမည်။ ၀င်ပြီးက လူ နှစ်ယောက် အိမ်တွင်လာရောက်တည်းခိုမည်။ ကောင်း၏
၇။ ဆေးရုံတက်၍ ရောဂါတစ်ခု ကုသရတတ်သည်။
၈။ သူတစ်ပါးကို ငွေစိုက်၍ လျော်ရမည်။
၉။ အိုးသစ်အိမ်သစ်ဆောက်ရမည်။ အိမ်ပြင်ရမည်။
၁၀။ ခရီးမထွက်ချင်ဘဲ ခရီးထွက်ရမည်။
၁၁။ မျက်စိ၌ ဥပဒ်ရောက်မည်။ သူတစ်ပါးကိစ္စ မိမိဝင်ပါ ရမည်။
၁၂။ ရာထူးတက်ခြင်း၊ လာဘ်ရွှင်ခြင်းဖြစ်မည်။

လတ်တလောကိစ္စအတွက် မေးမြန်ပါမူထိုကိစ္စ အောင်မြင်ပါလိမ့်မည်။
သို့သော် အပြောင်းအလဲအနည်းငယ် ဖြစ်ပါလိမ့်မည်။

Justice

Justice - တရားသူကြီး

၁။ လုပ်ငန်းကြီးများပေါ်မည်။
၂။ တစ်စုံတစ်ယောက်နှင့် တရားဆိုင်ရတတ်သည်။
၃။ ရန်ပွဲတစ်ပွဲ ကြုံရမည်။
၎။ အခက်အခဲများရှိသော်လည်း အားလုံးပြေပျောက်သွားမည်။
၅။ မယ်တော်မနုစရီက မစလိမ့်မည်။
၆။ လူချီးမွမ်းခံရမည်။ ထီပေါက်မည်။ ကျိန်းသေသလောက် ရှိသည်။ ထီထိုးဖြစ်အောင်ထိုးပါ။
၇။ နေရာပြောင်းရွှေ့ရတတ်သည်။ ခရီးဝေးသွားရမည်။
၈။ မိတ်ဆွေရင်းတစ်ဦး မိမိကို မကောင်းကြံတတ်သည်။ ဂရုစိုက်ပါ။
၉။ လူလ်ိခံရကိန်းရှိသည်။ အိမ်တွင်းရေး၌လည်း အဆင်မပြေဖြစ်တတ်ပါသည်။
၁၀။ အစိုးရ၏ ချီးမြှောက်ခြင်းခံရမည်။
၁၁။ မသွားတော့လိုလိုနှင့် ခရီးတစ်ခုသွားရမည်။
၁၂။ ငွေအလုံးအရင်းနှင့် ၀င်တတ်သည်။
၁၃။ အလှူအတန်းတစ်ခု မုချလုပ်ရမည်။

လတ်တလောကိစ္စအတွက် မေးမြန်ပါမူ . . ထိုကိစ္စ အောင်မြင်ပါလိမ့်မည်။
သင့်ဘက်က မှန်ကန်ဖို့ အရေးကြီးပါသည်။

The Hanged Man

The Hanged Man - တွဲလောင်းဆွဲခံထားရသူ

၁။ လုပ်သမျှ ကိစ္စအားလုံး တိုးလိုးတန်းလန်းဖြစ်နေမည်။
၂။ ငွေများဝင်သော်လည်း အဖတ်မ၀င် ဖြစ်မည်။
၃။ နေအိမ်အနီး၌ နာရေးပေါ်မည်။ သွားရောက်ခြင်းမပြုပါနှင့်။
၎။ အငြိမ်နေရသည်မရှိဘဲ လှုပ်ရှားနေရမည်။
၅။ ကျန်းမာရေး တစ်ခုပြီးတစ်ခု ညံ့မည်။ သွေးထွက်သံယို ဖြစ်မည်။
၆။ မြေအတွက်၊ အမွေအတွက် စကားအကြီးအကျယ် ပြောရမည်။
၇။ ငွေများ တရစပ်ဝင်မည်။ ၀င်သော် ဗုဒ္ဓဟူးနံကို အကြောင်းပြုဝင်မည်။
၈။ သူတစ်ပါး၏အကြောင်းမဲ့ စွပ်စွဲပြောဆိုခြင်းခံရမည်။
၉။ အလှူတစ်ခုလုပ်ရမည်။
၁၀။ မကြာမီ၌ စီးပွားသစ်၊ လုပ်ငန်းသစ် ဖြစ်ဖွယ်ရာရှိသည်။
၁၁။ ဟိုဟာလုပ်ရ ကောင်းနိုး၊ ဒီဟာလုပ်ရကောင်းနိုးနှင့် အချိန်ကုန်သွားတတ်သည်။
၁၂။ ပစ္စည်းများ ထုခွဲရောင်းချ၍ လုပ်ငန်းသစ်လုပ်လိုစိတ်ပေါ်မည်။

လတ်တလောကိစ္စအတွက် မေးမြန်ပါမူ . . ထိုကိစ္စ မအောင်မြင်ပါ။ တိုးလို့တန်းလန်းဖြစ်လိမ့်မည်။

Death

Death - သေမင်း

၁။ လုပ်ငန်းအကြံအစည်အသစ်ပေါ်မည်။
၂။ မြေ၀င်မည်။ ၃။ ရင်းနှီးသောသူ ဆေးရုံတက်ရမည်။ သွား၍မေးရမည်။
၎။ ဆွေးမျိုးသားချင်းတစ်ဦး ရပ်ဝေး၌ ဆုံးပါသော သတင်းကို ကြားရမည်။
၅။ အမှု အခင်းဖြစ်ပွား၍ အချုပ်အနှောင်ခံရမည်။
၆။ အလုပ်၌ စိတ်မ၀င်စားသကဲသို့ ဖြစ်မည်။ အလုပ်ထွက်ချင်စိတ် ပေါ်မည်။
၇။ ငွေရှာဖွေ၍ လွယ်မည်။ ငွေများလည်းဝင်မည်။
၈။ စက်တစ်လုံးဝင်မည်။ ထိုစက်ဝင်ပြီးနောက် ထီပင်ပေါက်တတ်သည်။
၉။ တစ်စုံတစ်ယောက်နှင့် စကားများလိမ့်မည်။ စကားများ သောသူ မိမိထက်ကြီးလိမ့်မည်။
၁၀။ ပညာထူးရမည်။ မိတ်ဆွေ၊ ဆရာသမား၊ မ စလိမ့်မည်။
၁၁။ ဤအချိန်အတွက် ကိုယ်ကျင့်တရား အလွန်အရေးကြီးသည်။
ကိုယ်ကျင့်တရားပျက်လျှင် ရေရှည်ဒုက္ခ ရောက်သွားလိမ့်မည်။
၁၂။ အမှုဖြစ်နေသူကို ငွေချေးခြင်း၊ အာမခံလိုက်ခြင်း၊
မလုပ်ပါနှင့် လုပ်မိသော် မိမိပါ ဒုက္ခရောက်တတ်သည်။

လတ်တလောကိစ္စအတွက် မေးမြန်ပါကမူ . . ထိုကိစ္စ လုံးဝမအောင်မြင်ပါ။
အပြီးအပိုင် ရပ်ဆိုင်းသွားဖို့ရှိသည်။

Temperance

Temperance -ခြိုးခြံသော သီလ

၁။ အလုပ်နေရာ၊ အိမ်နေရာ၊ ပြောင်းရွှေ့ရမည်။
၂။ အိမ်ပြင်၊ အိမ်ဆောက် ပြုလုပ်ရမည်။
၃။ ရေလမ်း ခရီးမှ ဧည့်သည်လာမည်။
၎။ ကားသစ်ဝင်မည်။
၅။ အလုပ်နေရာ၊ အိမ်နေရာ၊ အရွှေ့အပြောင်းဖြစ်သည်။
၆။ မကြာခဏ ခရီးထွက်ရမည်။
၇။ ရုတ်တရက် ရာထူးတိုးခြင်း၊ စီးပွားတိုးတက်ခြင်းဖြစ်မည်။
၈။ မိတ်ဆွေ တစ်ယောက်အတွက် စိတ်သောကရောက်ရတတ်သည်။
၉။ သမီးရှိသော် အိမ်မှထွက်သွားတတ်သည်။
၁၀။ သိမ်တစ်လုံးထဲတွက် မိသားစုနှစ်စု ပူးပေါင်းနေထိုင်ရမည်။ မကြာမီ အိမ်ပိုင် (သို့) မိမိတိတ်တိုင်းကျ အိမ် ရမည်။
၁၁။ ရင်ဘတ်အောင့်သောရောဂါရမည်။ သားသမီးအတွက် စိတ်သောကရောက်မည်။ ယားနာဖြစ် မည်။ ဆေးမရှာပါနှင့် အလိုလိုပျောက်မည်။
၁၂။ ငွေအစုလိုက်အပုံလိုက်ရမည်။ (၂၄)ရက်အတွင်း ၀င်လာ မည်။
၁၃။ မိမိသုံးသောစက် ပျက်မည်။ ရောင်းမပစ်ပါနှင့်၊ ပြင်၍သုံးပါ။ အကျိုးရှိလိမ်မည်။

လတ်တလောကိစ္စအတွက် မေးမြန်ပါမူ . . ထိုကိစ္စ အောင်မြင်နိုင်ပါသည်။

The Devil

The Devil - တစ္ဆေ

၁။ အချစ်ရေး၊ အိမ်ထောင်ရေး ပြဿနာပေါ်တတ်သည်။
၂။ လေထိုးလေအောင့်ဖြစ်မည်။
၃။ စကားများ ကိန်းရှိသည်။
၎။ ယခုနေသောနေရာ၌ မြေမသန့်ပါ။ အိမ်နှင့်မလှမ်းမကမ်းနေရာ၌ တစ္ဆေသရဲရှိသည်။
၅။ ထူးခြားသော ရုပ်ထုတစ်ခု ရောက်လာတတ်သည်။ ရောက်လာပြီးနောက် စနေသားတစ်ဦးထံမှ လာဘ် လာဘရမည်။
၆။ မမျှော်လင့်ဘဲ မိတ်ဆွေကောင်းတစ်ဦး ရရှိလိမ့်မည်။ ထို့အတူ ဘ၀တစ်ခုလုံးအတွက် အသုံးဝင်သော ပညာလည်းရမည်။
၇။ အောက်လက်ငယ်သား ဒုက္ခပေးတတ်သည်။
၈။ မျက်စိနာမည်။ ၉။ ပစ္စည်းပျောက်မည်။ ခရီးထွက်ရမည်။
၁၀။ ဆေးဖိုးဝါးခအဖြစ်လည်းကောင်း၊ သူတစ်ပါးကို ကူညီရန် အတွက်လည်းကောင်း ငွေထွက်မည်။
၁၁။ တိုးတက်မှုများ ကြုံတတ်ပါသည်။ မည်သည့်ကိစ္စ၌မဆို နှုတ်ဆိတ်နေရန် အရေးကြီးပါသည်။
၁၂။ အလုပ်ထွက်ရန်၊ ပြောင်းရန် အကြောင်းပေါ်လာမည်။

လတ်တလောကိစ္စအတွက် မေးမြန်းပါမူ . . ထိုကိစ္စ ပျက်သွားပါလိမ့်မည်။ မအောင်မြင်နိုင်ပါ ။

The Tower

The Tower - လဲပြိုမျှော်စင်

၁။ သွားမည့်ခရီးသည် တစ်ခါတည်းနှင့် အထမမြောက်နိုင်ပါ။
၂။ အကြံအစည်ပျက်ပြားမှု၊ လုပ်ငန်းဆုံးရှုံးမှုများ ပေါ်မည်။
၃။ သွပ်၊ သံ၊ သစ်ကိစ္စကြောင့် စိတ်ညစ်ရတတ်သည်။
၎။ အပျက်အစီး အဆုံးအရှုံးများမည်။
၅။ ဆေရာတု ဆရာယောင်နှင့် တွေ့တတ်သည်။ ထိုသူ၏ မည်မှာ တနင်္လာစာလုံးပါ မည်။
၆။ အိမ်တွင်းရေး မာမယာဖြစ်မည်။
၇။ အိမ်သို့ ဆွေမျိုးဧည့်သည် ညအိပ်ရောက်လာမည်။ ၎င်း ရောက်လာခြင်းကို လက်ခံရမည်။
၈။ ငွေသည် ကြံဖန်၍ ကုန်စရာများပေါ်ပြီး ကန်မည်။
၉။ ရုတ်ရက် ခါးမျက်၊ ခါးနာပေါ်မည်။ ၁၀။ မိတ်ဆွေတစ်ဦး မိမိအပါ်၌ အထင်လွဲလိမ့်မည်။
၁၁။ မုဆိုးဖို၊ မုဆိုးမ တစ်ဦးဦး အိမ်သို့ လာရောက်တည်းခိုမည်၊ ထို့နောက် အမှုဖြစ်တတ်သည်။
၁၂။ အလုပ်၌ ရန်ပေါ်မည်။
၁၃။ ဘုရားဖူးခရီးထွက်လိုက်လျှင် အကောင်းဆုံးဖြစ်သည်။
၁၄။ အိမ်တွင် မီးလန့်တတ်သည်။ သတိမထားပါက အဖိုးတန်ပစ္စည်းများ ဆုံးရှုံးမည်။
၁၅။ ယခင်နှင်ကကျန်ခဲ့သောပစ္စည်းများ ယခုနှစ်ဆက်၍ ထွက်မည်။

လတ်တလောကိစ္စအတွက် မေးမြန်ပါမူ . . . ထိုကိစ္စ လုံးဝအဖြစ်နိုင်ပါ။ သင်၏အကြံအစည်များ တစ်စစီပျက်စီးသွားပါလိမ့်မည်။

The Star

The Star - ဓူဝံကြယ်

၁။ နာမည်ကြီးထမင်းငတ်ဆိုသကဲ့သို့ဖြစ်မည်။
၂။ အိမ်၌ လျှပ်စစ်ရှော့ဖြစ်လိမ့်မည်။
၃။ ကြွေးကိစ္စ စကားအချေအတင်ပြောရတတ်သည်။
၎။ ကျား-သွားရောဂါဒုက္ခပေးမည်။ မ-သွေးရောဂါ ဒုက္ခပေးမည်။
၅။ လူပွေလူရှုပ်များ အိမ်သို့ ရောက်လာမည်။ ရောက်လျှင်နှစ်ကြိမ်ရောက်မည်။
၆။ မိတ်ဆွေကောင်းနှစ်ဦး တစ်ပြိုင်တည်းရမည်။
၇။ ထူးဆန်းသော အသိပညာထူးတစ်ခုရမည်။
၈။ စိတ်ညစ်စရာ နှစ်ကြိမ်ပေါ်မည်။
၉။ ခရီးမထွင်ချင်ဘဲ နှစ်ကြိမ်ထွက်ရမည်။
၁၀။ ငွေများဝင်လျက် ကြွေးတင်နေမည်။ ကြီးကြီးမားမား ပေးဆပ်ရန် ကြွေးနှစ်ခုရှိမည်။
၁၁။ နာမည်အလွန်ကြီးသွားမည်။ ကောင်သောကြီးခြင်းဖြစ်မည်။
၁၂။ မိမိ လုပ်သောအလုပ်တွင် နှစ်ကြိမ်ဆုံးရှုံးဖြစ်မည်။
၁၃။ တစ်အိမ်သားလုံးကျန်းမာရေး ညံ့မည်။
၁၄။ ဆေးရုံ၊ ဆေးခန်းတက်ရောက်ကုသရခြင်းအထိ ကျန်းမာရေးညံ့မည်။

လတ်တလောကိစ္စအတွက် မေးမြန်ပါမူ . . . ထိုကိစ္စ အောင်မြင်နိုင်ပါသည်။ ထင်ထင်ရှားရှား အောင်မြင်ပါလိမ့်မည်။

The Moon

The Moon - စန္ဒာ

၁။ အိမ်ကိစ္စ ပြဿနာပေါ်မည်။
၂။ သားသမီးတစ်ဦးဦးအတွက် စိတ်ညစ်ရမည်။
၃။ လောင်းကစားလုပ် သူဆိုပါက ဒုက္ခရောက်တော့မည်။ ရပ်ထားပါ။
၎။ ခရီးဝေးသွားရလ်ိမ့်မည်။ သွားရမည့်ခရီးမှာ တောင်စူးစူးဖြစ်မည်။ နိုင်ငံရပ်ခြားခရီးလည်းဖြစ်မည်။
၅။ မိမိနေသောအရပ်တွင် တွေ့နေကြဆိုင်းဘုတ်တစ်ခု ဖြုတ်ချလိုက်၍ မတွေ့တော့ဘဲရှိမည်။ ဤသို့ဖြစ်လျှင် မုဆိုးမတစ်ဦးကို မိမိထိုးလိုသော ဂဏန်းပြော၍ ထီးထိုးခိုင်းပါ။ ထီပေါက်မည်။
၆။ ဘုရားရုပ်တုတော်၊ ဆင်းတုတော်ကြွလာမည်။
၇။ ဘာသာရေးသမား များ အ၀င်အထွက်လုပ်လာမည်။ လက်ခံပါ။
၈။ ငွေများဝင်သောလည်း ထွက်စရာဆက်တိုက်ပေါ်မည်။ ခြေထောက်နာမည်။
၉။ အိုးသစ်အိမ်သစ်ပြောင်းရကိန်းပေါ်မည်။ (သို့) အိမ်ပြင်ရမည်။
၁၀။ မီးဖိုဘက်တွင် မီးလန့်ခြင်း၊ တစ်စုံတစ်ယောက်ကို အပူလောင်ခြင်းဖြစ်မည်။ ဤသို့ဖြစ်သော် မိမိ၏ အ၀တ်ဟောင်းတစ်ထည်ကိုစွန့်ပစ်ပြီး ထီထိုးပါ။
၁၀ ပုံ ၁ပုံလှူပါမည်ဟု အဓိဋ္ဌာန်ပြုပါ။

လတ်တလောကိစ္စအတွက် မေးမြန်ပါမူ . . ထိုကိစ္စ မအောင်မြင်နိုင်ပါ။ ဆက်လုပ်လျှင် မျက်ရည်ကျဖို့ရှိပါသည်။

The Sun

The Sun - သူရိယ

၁။ ပညာထူးချွန်မည်။
၂။ စပ်တူလုပ်ငန်းလုပ်ရမည်။ အောင်မြင်မည်။
၃။ အချစ်ရေးကံကောင်းသည်။ အိမ်ထောင်ရေး ပို၍ ကံကောင်းပါသည်။
၎။ ဆွေးမျိုးကို အကြောင်းပြုပြီး လင်မယားစိတ်ကောက်ရခြင်းရှိသည်
၅။ အောင်မြင်မည့်ကာလဖြစ်သည်။ ဘာကိုပဲလုပ်လုပ်ရဲရဲလုပ်ပါ။
၆။ ရပ်ဝေးခရီးရှိသည်။
၇။ မုချ တိုးတက်ခြင်းဖြစ်သည်။
၈။ မမျှော်လင့်သောသူထံမှ အကူအညီရမည်။
၉။ ယခုအခါ အောင်မြင်ခြင်းသည် ကြီးမားသော အကောင်မြင်ခြင်းဖြစ်သည်။
၁၀။ ငွေ (၇) ဂဏန်းဆုံးရှုံးတတ်သည်။
၁၁။ စွန့်စားရသော လုပ်ငန်းများကို လုပ်နိုင်ပါသည်။
၁၂။ ပြည်တွင်းပြည်ပခရီးများသွားရလိမ့်မည်။
၁၃။ လုပ်ချင်သောလုပ်ငန်းကို ရဲရဲသာလုပ်ပါ။ မုချအောင်မြင်မည်။

လတ်တလောကိစ္စအတွက် မေးမြန်ပါမူ . . ထိုကိစ္စ မုချအောင်မြင်ပါလိမ့်မည်။ ပျော်ရွှင်မှုနှင့် အဆုံးသတ်ပါလိမ့်မည်။

judgement

Judgement - စီရင်ချက်

၁။ ရပ်ဝေးရောက်နေသော အိမ်သားတစ်ဦး ပြန်ရောက်လာလိမ့်မည်။
၂။ မိမိအထက်အရာရှိတစ်ဦး ပြောင်းရတော့မည်။ ရက်ပိုင်း သာလိုတော့သည်။
၃။ ယခုမှ နှစ်လကျော်လျှင် စီးပွားအလွန်တက်မည်။ တစ်စုံ တစ်ဦး ကလေးမွေးဖွားသောသတင်းကြားရလျှင်လည်း စီးပွားတက်တတ်ပါသည်။
၎။ ဆွေမျိုးထဲမှ အမျိုး သမီးကြီးတစ်ဦး၏ အကူအညီကိုရမည်။
၅။ ရွှေဝင်မည်။
၆။ လက်တွဲရန် အဖော်ကောင်းရမည်။
၇။ဘုရားဖူးခရီးသွားရတတ်သည်။ (သို့မဟုတ်) မွန်မြတ်သောခရိးကို ဆိုလိုပါသည်။
၈။ ရပ်ဆိုင်းထားသောလုပ်ငန်းများကို ပြန်လည်ရှင်သန်လာမည်။
၉။ နာမည်ဂုဏ်သတင်းများ နေ့ချင်းညချင်း တိုးတက်လာမည်။
၁၀။ မျှော်လင့်ထားသော အကြောင်းအရာအားလုံး လက်ဝယ် ပိုင်ပိုင်ရရှိမည်။
၁၁။ ထူးခြားသော စာအုပ်တစ်အုပ် ဖတ်ရမည်။ ထိုစာအုပ်မှ အကြံသစ်ဥာဏ်သစ်ရရှိမည်။
၁၂။ ဥာဏ်မကွန့်ပါနှင့် ရိုးရိုးသားသားလုပ်ပါ။ မုချအောင်မြင်မည်။

လတ်တလောကိစ္စအတွက် မေးမြန်ပါမူ . . . ထိုကိစ္စ မုချအောင်မြင်ပါလိမ့်မည်။
အစပထမတွင် မအောင်မြင်သကဲ့သို့ ဖြစ်နေပြီး နောက်ဆုံး၌ အောင်မြင်ပါလိမ့်မည်။

The World

The World - စကြ၀ဠာ

၁။ နိုင်ငံရပ်ခြားနှင့်ဆိုင်သောကိစ္စများပေါ်မည်။ အောင်မြင်မည်။
၂။ ကိုးကွယ်သောနတ်များ မ တော်မူမည်။
၃။ သိုလှောင်ပစ္စည်းမြတ်မည်။
၎။ အစွပ်စွဲခံရကိန်းရှိသည်။ သတိပြုပါ။
၅။ မင်းစိုးရာဇာဂုဏ်ပြုလိမ့်မည်။
၆။ သိကြား မ သကဲ့သို့ ရုတ်တရက် ကြီးပွားချမ်းသာသွားမည်။
၇။ ရှေ့ရေးအတွက် ဘာမှမပူပါနှင့် အားလုံးကောင်းပြီဟု နားလည်ပါ။
၈။ ယခုနေသောနေရာမှလည်း ပြောင်းရွှေ့ ရကိန်းရှိသည်။ ပို၍ ကောင်း သောနေရာသို့ ရောက်မည်။
၉။ ပူပင်သောက အားလုံးကို မေ့ပစ်လိုက်ပါတော့။
၁၀။ စိတ်ချမ်းသာမှုများ တိုးတက်မှုများ တစ်ခုပြီးတစ်ခုရှိမည်။
၁၁။ ကြံစည်ထားသော အကြံအစည်များ ဆုတ်ဆိုင်းခြင်းမရှိ အားလုံး အဆင်ပြေသွားမည်။
၁၂။ ထီပေါက်ကိန်းရှိသည်။ ပေါက်သော် သတိထားပါ။ အိမ်သူအိမ်သားတစ်ဦးဦး ရုတ်တရက် နာမကျန်းကြီးစွာ ဖြစ်တတ်သည်။

လက်တလောကိစ္စအတွက် မေးမြန်ပါမူ . . ထိုကိစ္စ မုချအောင်မြင်မည်။ ရဲရဲသာလုပ်ပါး ထိုကိစ္စအောင်မြင်ပြီး ရက်အနည်းငယ်အတွင်း၌ သင်ခရီးထွက် ရလိမ့်မည်။

The Fool

THE FOOL -အရူး

၁။ လုပ်ငန်းများရှေ့ သို့မတိုးဘဲနှောင့်နှေးနေမည်။
၂။ အရောင်းအ၀ယ်သမားဖြစ်ပါက အရောင်းအ၀ယ်မ ကောင်းပါ။
၃။ အိမ်သို့ အရက်ပုလင်းများ ရောက်လာတတ်သည်။ အမြန်ဆုံး ပြန်၍ထုတ်ပစ်ပါ။
၎။ နားအူ၍ နေမည်။ အမြန်းဆုံးကုသပါ။ ပျောက်ကင်းမည်။
၅။ခရီးတိုများ ဆက်တိုက်သွားနေရမည်။
၆။ အမှုအခင်း ဖြစ်ပွားတတ်သည်။
၇။ ကိုယ်ခန္ဓာ၏ ဘယ်ဘက်ခြမ်း မကြာခဏအောင့်မည်။
၈။ သက်ကြီးရွယ်အိုများ အိမ် ၌ လာရောက်မတည်းခိုမိရန် သတိပြုပါ။ တည်းခိုမိပါက ထိုသက်ကြီးရွယ်အို အိမ်၌ ဆုံးပါသွားတတ်သည်။
၉။ လောကဓံတရား၏ မတရားညဉ်းပန်းနှိပ်စက်မှုကို ခံရတော့မည်။ အံကြိတ်ပြီးသာခံပေတော့။
၁၀။ ဘာတစ်ခု မှ ကောင်းကွက်မရှိပါ။

လတ်တလောကိစ္စအတွက် မေးမြန်ပါမူ . . ထိုကိစ္စ မေ့လျော့ပစ်လိုက်ပါ။ အောင်မြင်ရန် လမ်းလုံးမရှိပါ။